कालो मोसो दलेको आरोपमा विप्लव समूहका कार्यकर्ता पक्राउ

कैलाली - कैलालीबाट कालो मोसो दलेको आरोपमा एक जना पक्राउ परेका छन्। वन कर्मचारीलाई कालो मोसो दलेको आरोपमा भजनी नगरपालिका-९ बस्ने ३९ वर्षीय पहल पुनमगरलाई पक्राउ प्रहरी पक्राउ गरेको छ । 

पक्राउ परेका नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका कार्यकर्ता रहेको प्रहरीले जानकारी दिएको छ । 

जिल्ला प्रहरी कार्यालय कैलालीका प्रवक्ता डीएसपी बेदप्रकाश जोशीले पुनमगरलाई कैलालीको पचमुडिया सव-डिभिजन वन कार्यालयका सहायक वन अधिकृत विश्वराज पण्डितलाई मोसो दलेको आरोपमा पक्राउ गरिएको बताए । 

आफूहरु विप्लवको कार्यकर्ता भन्दै यहि माघ १७ गते पण्डितलाई कालोमोसो दलिएको थियो। उनीहरुले चन्दा आतंकको विरोध गरेको भन्दै एक्कासी दुर्व्यवहार गरेको पण्डितले बताएका थिए।