एकदिवसीय सिरिज भारतले जित्यो

काठमाडौँ : वेष्ट इण्डिजसँगको तीन खेलको एकदिवसीय क्रिकेट सिरिज भारतले जितेको छ । बुधबार अहमदावादमा भएको दोस्रो एकदिवसीयमा ४४ रनको जित हात पारेसँगै भारतले एक खेल अगावै सिरिज २–० ले जितेको हो ।

यसअघि पहिलो खेलमा पनि भारत विजयी भएको थियो । टस हारेर पहिले ब्याटिङ गरेको भारतले निर्धारित ५० ओभरमा ९ विकेट गुमाएर २३७ रन बनाएको थियो । उसका लागि सुर्यकुमार यादवले सर्वाधिक ६४ रन बनाए ।

२३८ रनको लक्ष्य पछ्याएको वेष्ट इण्डिज ४६ ओभरमा सबै विकेट गुमाएर १९३ रनमै अलआउट भएपछि भारत ४४ रनले विजयी भएको हो ।