पहिलो पटक मैदानमा रिसाउँदै रोहितले चहललाई भने, ‘चल भाग उधर’

काठमाडौं –  भारतले घरेलु मैदानमा वेष्ट इन्डिजविरुद्धको दोस्रो एकदिवसीय क्रिकेटमा ४४ रनले जित निकालेको छ ।  जितसँगै भारतले तीन एकदिवसीय शृंखलामा एक खेल अघि नै २–० ले कब्जा जमाएकाे छ ।  लगातारकाे जितसँगै  भारतीय टोलीको कप्तानीमा रोहित शर्माले सानदार सुरुवात गरेका छन् । 

तर, दोस्रो एकदिवसीयमा एउटा समय यस्तो पनि आयो, क्रिकेट प्रशंसकहरुमाझ कप्तान रोहितको डरलाग्दो रुप देखियो । आफ्नै टोलीका एक खेलाडीसँग कप्तान रोहित निकै रिसाएका थिए । 

वेस्ट इन्डिजको ब्याटिङ इनिङ क्रममा ४५ ओभर चलिरहँदा कप्तान रोहित क्रुर अवस्थामा बोलिरहेको भिडियो अहिले समाजिक सञ्जालमा भाईरल  भएको छ । 

युजवेन्द्र चहल मिडअफमा फिल्डिङ गरिरहेका थिए ।  कप्तान रोहितले चलहलाई लेगअफमा जान आग्रह गर्छन । तर चहल सुस्त देखिन्छन् । यसपछि रोहित निकै रिसाउँदै बीच मैदानमा चहललाई गाली गर्छन् । 

रोहितले कराउँदै चहललाई भने, ‘पिछे जा, क्या हुआ तेरे को, भाग क्यो नही रहा है । चल उधर भाग ।’ यसपछि चहल लेगअफमा फर्कन्छन् ।  मैदानमा रोहितको यो रुप पहिलो पटक देखिएको भारतीय संचार माध्यमले जनाएका छन् । भाईरल भिडियोमा रोहितले चहललाई चिच्याएको स्पष्ट देख्न सकिन्छ । भारत र वेष्ट इन्डिजबीचको अन्तिम एकदिवसीय खेल शनिबार हुनेछ ।