छैटौँ खेलमा पनि रोनाल्डोले गोल गर्न सकेनन्

काठमाडौँ : इंग्लिस प्रिमियर लिग फुटबलमा म्यानचेस्टर युनाईटेड बराबरीमा रोकिएको छ । शनिबार ओल्ड ट्राफोडमा भएको खेलमा म्यान्चेस्टर युनाईटेड साउथह्याम्पटनसँग १–१ गोलको बराबरीमा रोकिएको हो । 

म्यान्चेस्टरको लागि जोर्डन सान्चोले सुरुवाती गोल गरेका थिए । तर दोस्रो हाफको सुरुमै साउथह्याम्पटनले गोल फर्कायो । उसका लागि चे एडम्सले गोल गरे । बराबरीपछि युनाईटेड २४ खेलबाट ४० अंकसहित लिगको पाँचौ स्थानमा छ । 

शनिबारको खेलमा पनि रोनाल्डोले गोल गर्न सकेनन् । उनी पछिल्ला लगातार ६ खेलमा गोल गर्न सकिरहेका छैनन ।