एट्लेटिको मड्रिडले सेभिल्लालाई हरायो

काठमाडौं : स्पेनिस ला लिगा फुटबलमा शीर्ष स्थानको एट्लेटिको मड्रिडले सेभिल्लालाई हराएको छ । मंगलबार राती भएको खेलमा एट्लेटिकोले सेभिल्लालाई २-० गोल अन्तरले पराजित गरेको हो । एट्लेटिकोको जितमा एंगेल कोर्री र सउल निगुईजले गोल गरे । 

कोर्रीले १७ औँ मीनेटमा गोल गर्दा निगुईजले ७६ औंँ मीनेटमा एट्लेटिकोलाई २–० गोलको जित दिलाएका हुन् । जितपछि शीर्ष स्थानको एट्लेटिकोको १६ खेलबाट ४१ अंक भएको छ । हार व्यहोरेको सेभिल्ला  १७ खेलबाट ३० अंक जोडेर छैटौ स्थानमा छ । (अन्तराष्ट्रिय सञ्चारमाध्यमको सहयोगमा)