लागूऔषधसहित पक्राउ

कठमाडौं–सिन्धुलीस्थित कमलामाई नगरपालिका–४ स्थितबाट करिब ३६ केजी ८ सय ७० ग्राम अवैध लागूऔषध गाँजासहित २ जना पक्राउ परेका छन्।

प्रहरीकाअनुसार पक्राउ पर्नेहरूमा सोही नगरपालिका–१ ओख्लेका कालुबहादुर ब्लोन र १९ वर्षीय कृष्णबहादुर ब्लोन रहेका छन्। जिल्ला प्रहरी कार्यालय सिन्धुलीबाट खटिएको प्रहरीले उनीहरुलाई उक्त परिमाणको लागूऔषधसहित फेला पारी पक्राउ गरेको हो । 

साथै सोही कार्यालयबाट खटिएको प्रहरीले मरिण गाउँपालिका–७ देउजोर बस्ने ३२ वर्षीय बहादुर गोलेलाईसमेत करिब ३२ किलो अवैध लागूऔषध गाँजा सहित गएराति पक्राउ गरेको छ । 

त्यस्तै, कास्की, पोखरा महानगरपालिका–१७ राममन्दिर चोकबाट नियन्त्रित लागूऔषध नाईट्राभेट २ सय २० ट्याब्लेट र १ किलो ५ सय ग्राम अवैध लागूऔषध गाँजासहित सोही ठाउँका प्रश्न भण्डारीसमेत ४ जनालाई आइतबार दिउँसो प्रहरीले पक्राउ गरेको छ । जिल्ला प्रहरी कार्यालय कास्कीबाट खटिएको प्रहरीले उनीहरुलाई उक्त लागूऔषध सहित फेला पारी पक्राउ गरेको हो । यस सम्बन्धमा आवश्यक अनुसन्धान गरिरहेको प्रहरीले जनाएको छ।