वन्‍यजन्‍तु तस्करी गर्ने शाही हतियारसहित पक्राउ

काठमाडौं : हतियारसहित जिवजन्तु तस्करीमा संलग्‍न १ जना पक्राउ परेका छन् । नेपाली सेना र निकुञ्‍ज कर्मचारीसहितको पट्रोल टोलीले उनलाई पक्राउ गरेको हो ।

शे-फोक्सुण्डो राष्ट्रिय निकुञ्‍ज क्षेत्र अन्तर्गतको त्रिपुरासुन्दरी न.पा.११ स्थित थर्मु निगालीगौराबाट पक्राउ गरेको हो । अवैध जिवजन्‍तु तस्‍करीमा संलग्‍न रहेका त्रिपुरासुन्दरी नगरपालिका-६ बस्‍ने ५३ वर्षे लक्ष्मीचन्द्र शाहीलाई पक्राउ गरेको हो । 

उनको साथबाट बरामद भएको भरुवा एक थान बन्दुकमा लाग्‍ने १९ थान गोली, १ थान छर्रा थान, १ थान केप , १ थान बारुद डब्वा, शिकार गरिएको जनावरको मासु तथा शिकारको लागि आवश्यक अन्य बन्दोबस्तीका सामाग्रीहरु बरामद भएको सेनाले जानकारी दिएको छ । उनलाई आवश्‍यक कारबाहीको लागि निकुञ्‍ज कार्यालयमा बुझाइएको छ।