दैलेखको महाबुमा जिप दुर्घटना हुँदा एक जनाको मृत्यु

फाइल फोटो

सुर्खेत : दैलेखको महाबु गाउँपालिका–४ फागुमा बोलेरो जिप दुर्घटना हुँदा एक जनाको घटनास्थलमै मृत्यु भएको छ । अन्य ६ जना घाइते भएका छन् । सदरमुकाम नारायण नगरपालिकादेखि महाबु गाउँपालिकाको कासिकाँध जाँदै गरेको बागमती प्रदेश ०१–०२६ च ५२६४ नम्बरको बोलेरो मंगलबार साँझ  दुर्घटना भएको दैलेख प्रहरीले जनाएको छ । 

जिल्ला प्रहरी कार्यालय दैलेखका प्रहरी प्रमुख भुवनेश्वरप्रसाद शाहले दुर्घटनामा मृत्यु हुनेमा महाबु गाउँपालिका–५ का ४० वर्षीय रामबहादुर हमाल रहेको बताए । घाइते अन्य छ जनाको उपचारका लागि अस्पताल पठाइएको भए पनि उनीहरुको परिचय खुल्न बाँकी छ ।