२४ घण्टामा २१ को मृत्यु, ३६३७ जना थपिए

काठमाडौं : नेपालमा पछिल्लो २४ घण्टाभित्र ३ हजार ६ सय ३७ नयाँ कोभिड– १९ संक्रमित थपिएका छन् । स्वास्थ्य तथा जनसंख्या मन्त्रालयले नियमित पत्रकार सम्मेलनका क्रममा यति संख्यामा संक्रमित थपिएको जानकारी दिएको हो । 

पछिल्लो २४ घण्टामा उपत्यकामा १ हजार ५ सय ५२ नयाँ संक्रमित थपिएका छन् । जसमध्ये काठमाडौ‌ंमा एक हजार २ सय ८३ भक्तपुरमा एक सय १२ र ललितपुरमा १ सय ५७ नयाँ संक्रमित थपिएका छन् ।

यो सँगै नेपालमा कुल संक्रमितको संख्या एक लाख ४८ हजार ५ सय ९ जना पुगेको छ । जसमध्य ४४ हजार ८ सय ७७ जना सक्रिय संक्रमित रहेको र बाँकी संक्रमनमुक्त भएर घर फर्किएको मन्त्रालयले जनाएको छ । पछिल्लो २४ घण्टामा तीन हजार ३ सय १५ जना संक्रमणमुक्त भएका छन् । 

त्यस्तै, पछिल्लो २४ घण्टामा २१ जनाको कोभिड–१९ संक्रमितको मृत्यु भएको छ । योसँगै कोभिडबाट मृत्यु हुनेको संख्या आठ सय १२ पुगेको छ । अहिले १३ हजार ३ सय ३९ जना कोभिड संक्रमितहरु संस्थागत र ३१ हजार ५ सय ३८ जना संक्रमितहरु होम आइसोलेसनमा बसिरहेका छन् ।  त्यस्तै, क्वारेन्टाइनमा बसिरहेका संक्रमितको संख्या तीन हजार ७ सय ५१ जना रहेको मन्त्रालयले जनाएको छ ।