फुटबलर हरि खड्का दोषी ठहरिए

काठमाडौं - फुटबलर हरि खड्का दोषी ठहर भएका छन् । नक्कली प्रमाणपत्र मुद्धामा उनी दोषी ठहरिएका हुन्।

विशेष अदालतले नेपाल प्रहरीमा बढुवा प्रयोजनका लागि पेश गरेको प्रमाणपत्र नक्कली भएको ठहर गरेको हो । बिहीबार अदालतका न्यायाधीशहरु अब्दुल अजिज मुसलमान र नित्यानन्द पाण्डेको इजलासले खड्का दोषी भएको ठहर गरे।

यो विषयमा अख्तियार दुरुपयोग अनुसन्धान आयोगले उनीविरुद्ध मुद्दा दायर गरेको थियो । उनी नेपाली राष्ट्रिय फुटबल टिमका पूर्व कप्तानसमेत हुन् ।