बाइडनको शपथग्रहण टम हयाङक्सले होस्ट गर्ने

वासिङटन : अमेरिकी राष्ट्रपति जो बाइडनको शपथग्रहण समारोह टम हयाङक्सले सञ्चालन गर्ने भएका छन् । बाइडनको शपथ ग्रहण समारोह कमिटीले बुधबार विज्ञप्ति जारी गर्दै ९० मिनेट लामो समारोहमा टमसँगै अन्य सेलिब्रेटीको पनि उपस्थिति रहने जनाएको छ । रोयटर्सका अनुसार ‘सेलिब्रेटिङ अमेरिका’ थिममा हुने समारोहमा जोन बोन जोभी, डेमी लोभाटो, जस्टिन टिम्बरलेक आदि कलाकारको उपस्थित रहने जनाइएको छ । 

सेलिब्रेटीको प्रस्तुति पछि त्यही दिन बाइडन र कमला ह्यारिसले शपथ लिने कार्यक्रम छ ।  कोभिड १९ को कारण बाइडनले उद्घाटन समारोह छोट्याएका छन् । सदा हुँदै आएको परम्परागत परेड र उद्घाटन बल्स बाइडनले रद्द गरेका छन् ।