रियललाई हराउँदै एथ्लेटिको बिल्बाओ सुपर कपको फाइनलमा

काठमाडौं : स्पेनिस महारथी रियल मड्रिडलाई हराउँदै एथ्लेटिको बिल्बाओ सुपर कपको फाइनल पुगेको छ । बिहिबार राति भएको दोस्रो सेमिफाइनलमा रियललाई २-१ गोल अन्तरले हराउँदै बिल्बाओले सुपर कपमा बार्सिलोनासँगको उपाधि भिडन्त पक्का गरेको हो ।

बिल्बाओका लागि दुवै गोल राहुल गार्सियाले गरे । रियलका करिम बेन्जिमाले एक गोल फर्काए । बुधबार भएको पहिलो सेमिफाइनलमा बार्सिलोना रियल सोसिडाडलाई पेनाल्टी सुटआउटमा हराउँदै फाइनलमा पुगेको थियो । फाइनल खेल आइतबार हुनेछ । (अन्तराष्ट्रिय सञ्चारमाध्यमको सहयोगमा)