भदौ ३१ मा धिरज र अदितीको 'बाबरी'

सुरेन्द्र पौडेल निर्देशित सिनेमा बाबरीको रिलिज मिति घोषणा गरिएको । धिरज मगर, अदिती बुढाथोकी र धिरज नाडकरको मुख्य भुमिका रहेको सिनेमा आगामी भाद्र ३१ गतेबाट प्रदर्शनमा आउने छ । मंगलबार महाशिवरात्रीको अवसर पारेर निर्माण टिमले सिनेमाको एक पोस्टर सार्वजनिक गर्दै रिलिज मिति घोषणा गरिएको हो ।

सिनेमाको सार्वजनिक पोस्टरमा मुख्य तीन पात्रको क्यारेक्टर नाम पनि चिनाइएको छ । सिनेमामा अदिति विजेता, धिरज मगर बिक्रान्त र धिरज नाडकर रोनिश बनेका छन् । बाबरी फिल्मको प्रस्तुती र सुष्मा प्रोडक्सनको व्यानरमा निर्माण भएको सिनेमा कथा निर्देशक पौडेलले नै लेखका हुन् । पुष्पा अधिकारी निर्माता रहेको सिनेमाको सह-निर्मातामा सुष्मा गुरुङ छन् ।

क्रिकोणात्मक प्रेमकथामा आधारित सिनेमाको काठमाडौं, झापा, मोरङ र उत्तरी सिक्किमका रमणीय स्थानमा सिनेमाको छायांकन गरिएको छ । नरेन्द्र मैनालीको छायांकन रहेको सिनेमाका मुख्य सहायक निर्देशक रित सिंह बोहरा हुन् ।