७०० ले ओरालो लाग्यो सुनकाे भाउ

काठमाडौं : स्थानीय बजारमा पहेंलो धातुको मूल्य आज पनि ओरालो लागेको छ । आइतबार तोलामा ७०० रुपैयाँले ओरालो लागेर कारोबार सुरु भएको छ । नेपाल सुनचाँदी व्यवसायी महासङ्घका अनुसार आज छापावाला सुन प्रतितोला रु ९१ हजार ८०० मा कारोबार भएको छ ।

छापावाला सुन शुक्रबार तोलामा रु ९२ हजार ५०० मा कारोबार भएको थियो । यस्तै तेजाबी सुन शुक्रबारका तुलनामा तोलामा नै रु ७०० ले घटेको छ । रु ९२ हजारमा शुक्रबार कारोवार भएको तेजाबी सुन आज तोलामा रु ९१ हजार ३०० मा कारोवार भएको छ ।

यस्तै चाँदी तोलामा रु ३० ले घटेको छ । रु एक हजार २६० मा शुक्रबार कारोवारर भएको चाँदी आज भने रु एक हजार २३० मा मूल्य निर्धारण भएको छ । रासस