मैदा उद्योग संघको अध्यक्षमा दुगड दोहोरिए, भ्याट छुटको माग गर्ने निर्णय

काठमाडौं : नेपाल मैदा उद्योग संघको २२औं वार्षिक साधारण सभाले कुमुदकुमार दुगडलाई आगामी २ बर्षको लागि अध्यक्ष पदमा निर्विरोध चयन गरेको छ ।

शुक्रबार काठमाडौंमा बसेको सभाले प्रथम उपाध्यक्षमा दिनेशकुमार अग्रवाल, द्वितिय उपाध्यक्षमा शुलभ अग्रवाल, तृतिय उपाध्यक्षमा रमेश राजकर्णिकार र महासचिवमा राधेश्याम अग्रवाललाई चयन गरेको छ । 

दुगड यसअघि पनि २ कार्यकाल संघको अध्यक्ष भईसेका छन् । सभाले मुल्य अभिवृद्धि कर (भ्याट)का कारण आयातीत मैदासँग प्रतिस्पर्धा गर्न नसकेकाले भ्याट छुट गर्न सरकार समक्ष अनुरोध गर्ने निर्णय गरेको छ ।

मैदा नेपालमै आत्मनिर्भर भैसकेको हुंदाअन्य मुलुकबाट आयात हुने मैदा पूर्ण बन्देज हुनु पर्ने उनीहरूको माग छ ।  कच्चापदार्थ गहुँ र तयारी वस्तु मैदा आयातगर्दा भन्सार मुल्याङ्कन कम्तिमा दुई तहले फरक हुनुपर्ने बताएको छ ।

गहुँ र मैदा आयात गर्दाको भन्सार शुल्कको फरक कमभएकोले कम्तिमापनिदुई तह फरक हुनु पर्ने सभामा उल्लेख भएको थियो ।