न्युक्यासललाई हराएको आर्सनल दशौं स्थानमा

काठमाडौं : इंग्लिस प्रिमियर लिग फुटबलमा आर्सनल विजयी भएको छ । सोमबार राति भएको खेलमा आर्सनलले न्युक्यासललाई ३-० गोल अन्तरले हराएको हो ।

घरेलु मैदानमा आर्सनललाई जित दिलाउन पिएरे एम्रिक औबामियाङले दुई गोल गरे भने बुकायो साकाले एक गोल गरे ।

जितसंगै आर्सनल लिगको दशौँ स्थानमा उक्लिएको छ । आर्सनलले १९ खेलमा २७ अंक जोडेको छ । न्युक्यासल १९ अंक जोडेर १५ औं स्थानमा रहेको छ ।