महालक्ष्मीको संस्थापक सेयर साधारण सेयरमा रुपान्‍तरण

काठमाडौं : महालक्ष्मी विकास बैंकले संस्थापक सेयर साधारण सेयरमा रुपान्तरण गर्ने प्रक्रिया अघि बढाएको छ । पुस १५ मा बसेको सञ्‍चालक समितिको बैठकले यस्‍तो निर्णय गरेको थियो ।

बैंकको हाल कायम रहेको संस्थापक सेयरधनी र सर्वसाधारण सेयरधनीको सेयर अनुपात ५२.४९ र ४७.५१ छ । यो अनुपात ५१:४९ कायम गर्न आवश्यक प्रक्रिया अघि बढाउने निर्णय भएको हो ।

संस्थापक समूहमा परेका सेयरधनीले आफ्‍ना सेयरहरू अर्को समूहमा परिणत गर्न नचाहेमा लिखित रुपमा स्वघोषणा विवरण पेश गर्नुपर्ने व्यवस्था छ । सेयरधनीहरूले ३५ दिनभित्र त्यस्तो विवरण पेश गर्नुपर्ने बैंकले जानकारी दिएको छ ।