आर्सनल र ओजिलको सम्बन्‍धमा पूर्णविराम

काठमाडौं : सन् २०२०, मार्च ७ । इमिरेट्‌स रंगशालामा आर्सनल र वेस्टह्यामबीचको खेल । जसमा मेसुट ओजिलको पासमा अलेजान्द्रे लाकाजेटले खेलको एक मात्र गोल गरे । त्यस असिस्ट प्रिमियर लिगमा ओजिलको ५४ औं थियो । सायदै कसैले अनुमान गरेको थियो, ओजिलको त्यो असिस्ट आर्सनलको जर्सीमा अन्तिम हुनेछ  ।

कोभिड-१९ ले विश्वलाई आक्रन्त पारेको बेला फुटबल प्रभावित नहुने कुरै भएन । बेलायतमा गरिएको लकडाउनका कारण रोकिएको फुटबल गत वर्षको जुनमा फर्कियो । तर ओजिल फर्केनन् । आर्सनलका सर्वाधिक सफल प्रशिक्षक आर्सन वेङ्गरले अनुबन्ध गरेका ओजिललाई आर्टेटाको आर्सनल टिमका ‘अर्किटेक्ट’ हुने विश्वास लिइएको थियो । तर वेङ्गरका पूर्व कप्तान प्रशिक्षक भएकै बेला ओजिलको आर्सनल बसाईमा ब्रेक लाग्यो ।

करिब साढे सात वर्ष उत्तरी लन्डनमा रहेका ओजिल टर्किस इस्तानबुल तर्फ लाग्‍ने लगभग पक्का छ । जर्मनीमा रहेको टर्किस समुदायका फुटबल मन पराउने किशोरहरुले इस्तानबुलका ठूला क्लब पछ्याउने परिपाटी नै छ । ओजिल किन फरक हुन्थे र । उनले सानै देखि मन पराएको क्लब फेनेरबाचे अब उनको नयाँ यात्रा हुँदैछ ।

ओजिल नयाँ क्लब तर्फ लाग्दै गर्दा आर्सनल निराश छैन । न त उसले आफ्नो लागि दुई सय ५४ खेल खेलेको खेलाडीका लाग बिदाईकै तयारी गरेको छ । आर्सनलको जर्सीमा ४४ गोल र ७७ असिस्ट दर्ता गरेका ओजिलले क्लबका लागि राम्रो खेलेका हुन् । र, पारिश्रामिक पनि राम्रै पाएका हुन् । उनी आर्सनलमा सर्वाधिक कमाई हुने खेलाडी मध्येका एक हुन् । त्यसैले त उनले बारम्बार आरोप खेप्नु परेको छ, आक्रोश सहनु परेको छ । उनलाई आर्सनल सर्मथकको एक हिस्साले पैसाका लागि मात्रै लन्डन आएको भन्दै आलोचना गर्ने गरेको छ ।

तथ्यांकले ओजिल प्रतिभाशाली खेलाडी रहेको तथ्यलाई पुष्टि गर्छ । यसको अर्को पनि सन्देश छ । त्यो भनेको ओजिलले आर्सनल छाडेपछि आफुलाई मन परेको कार्य गर्न सक्‍छन् । अर्को वाक्यमा भन्दा, जादु देखाउन सक्‍छन् । फरक मैदानमा । इस्तानबुलका फुटबल प्रेमीहरुलाई साक्षी राखेर ।

तर के ओजिल पैसाका लागि मात्रै आर्सनलमा बसिरहेका हुन त ? यो मामलामा सर्मथक विभाजित छन् । तर जे-जस्तो बहस भएपनि पनि ओजिलको आर्सनल बसाई अन्त्य जुन ढङ्गले भएको छ, त्यो दुखद छ । रियल म्याड्रिडबाट आएका ओजिललाई त्यसबेला आर्सनलमा उपयुक्त खेलाडी भनेर ब्याख्या गरियो । उनको आर्सनलमा सुरुवात कमजोर थिएन । पहिलो सिजनमै एफए कप जिते । सन् २०१५ र २०१७ मा पनि आर्सनलले घरेलु कप जित्दा ओजिलको प्रदर्शन प्रशंसा गर्न योग्य थियो । तर फुटबलमा सकारात्मक क्षण मात्रै किन रहन्थ्यो । ओजिलको आर्सनल करियर उपाधि जितेर अन्त्य हुने त परको कुरा, १० महिना सम्म खेल्न पनि पाएनन् । 

आर्सनलले ओजिललाई बेच्‍न नखोजेको होइन । वा ओजिलले आर्सनल छाड्न नखोजेका होइनन् । तर कहिले पनि जर्मन प्लेमेकरको स्थान्तरण प्रयास सफल भएन । आर्सनलमा प्रशिक्षक बनेर आइपुगदा ओजिललाई सहयोग गर्छु भनेका मिकेल आर्टेटाले वचन त पुरा गर्न सकेनन् । तर उनकै कार्यकालमा ओजिलको बर्हिगमन हुने चाँही पक्का भयो ।

ओजिलले आर्सनलका लागि प्रिमियर लिगमा एक सय ८४ खेल खेलेका छन् । ३३ पटक गोल गरेका छन् अनि ५४ पटक सहकर्मीलाई गोलका लागि पास उपलब्ध गराएका छन् । यो तथ्यांकले ओजिल प्रतिभाशाली खेलाडी रहेको तथ्यलाई पुष्टि गर्छ । यसको अर्को पनि सन्देश छ । त्यो भनेको ओजिलले आर्सनल छाडेपछि आफुलाई मन परेको कार्य गर्न सक्‍छन् । अर्को वाक्यमा भन्दा, जादु देखाउन सक्‍छन् । फरक मैदानमा । इस्तानबुलका फुटबल प्रेमीहरुलाई साक्षी राखेर ।

ओजिलले आर्सनलका लागि लोभलाग्दो प्रदर्शन गर्न चुकेनन् । २०१५/१६ सिजन उनको लागि विशेष रह्यो । जुन सिजन उनले १९ असिस्ट दर्ता गरे । आफ्ना सहकर्मीहरुका लागि एक सय ४६ मौका सिर्जना गरे । जुन आफैमा कीर्तिमान हो । उनी बाहेक कुनै पनि खेलाडीले इंग्लिस लिगमा यक्तिको मौका सिर्जना गर्न सकेको छैन । उनले एलेक्सिज सान्चेजसँग गज्जबको साझेदारी निर्माण गरेका थिए । कालान्तरमा सान्चेजले आर्सनल छाडे । तर ओजिल त्यही रहे । आर्सनलले उपाधि जित्‍न सक्ने टिम बनाएन भन्‍ने आरोपका साथ बाटो लागेका सान्चेज त्यसपछिका वर्षमा उस्तै रहेनन् । आर्सनल झन खस्कियो । न त ओजिलको प्रभाव नै बलियो भयो ।

ओजिलको स्तरका कारण धेरै आर्सनल सर्मथकले उनी इमिरेट्‌स आउने हल्लालाई विश्वास गरिरहेका थिएनन् । ओजिलले आर्सनललाई फेरी प्रेसको हेडलाईन त बनाए । तर क्लबलाई इंगल्यान्डको शक्तिका रुपमा पुनः स्थापित भने गर्न सकेनन् ।

ओजिल आर्सनलमा बनेका खेलाडी होइनन् । उनी लन्डन आउनु अघि नै स्टार थिए । ओजिलको स्तरका कारण धेरै आर्सनल सर्मथकले उनी इमिरेट्‌स आउने हल्लालाई विश्वास गरिरहेका थिएनन् । ओजिलले आर्सनललाई फेरी प्रेसको हेडलाईन त बनाए । तर क्लबलाई इंगल्यान्डको शक्तिका रुपमा पुनः स्थापित भने गर्न सकेनन् । उनको लय सधैं उस्तै पनि रहेन । कतिपय महत्वपूर्ण खेलमा उनको उपस्थिती अनुभवै हुँदैन थियो । आर्सनलका पूर्व खेलाडी मार्टिन किओन पनि यसमा सहमत छन् । ‘ओजिल विश्व फुटबलको असाधारण उत्पादन हुन् । तर दुखको साथ भन्‍नु पर्छ, उनले आफ्नो स्तर अनुसारको उपलब्धी हासिल गर्न सकेनन् । न त उनको आर्सनल बसाईको अन्त्य नै सम्झन लायकको हुनेवाला छ,’ किओन भन्छन् ।

ओजिल प्रति फुटबल सर्मथक विभाजित भएको तथ्य लुकेको छैन । कतीले उनको पुजा गर्छन् भने कतीले ठाडो आलोचना । उच्च स्तरका खेलाडीहरुका लागि यो नौलो होइन । उनको इस्तानबुल तर्फको स्थान्तरण टुङ्गोमा पुग्‍नै लाग्दा सामाजिक सञ्जाल यी दुई पक्षको भिडन्तको चेपुवामा पर्ने निश्चित छ । ओजिललाई स्‍नेह गर्नेहरुले उनलाई आर्सनलको ‘लेजेण्ड’ मान्लान् । उनको आलोचना गर्नेहरुले कामै नलाग्‍ने खेलाडी भन्लान् । तर दुबै सत्य होइनन् ।

आर्सनलले विगतमा कयौं महान् खेलाडीहरु जन्माएको छ । वा स्तरिय खेलाडीहरुलाई परिस्कृत गरेको छ । सूचीमा थिउरी हेनरी देखि लियाम ब्राडी सम्म समेटिन सक्‍छन् । ओजिल त्यस सूचीमा थपिने खेलाडी होइनन् । तर उनी आर्सनल सर्मथकलाई खेलको मज्जा दिलाउने खेलाडीका रुपमा भने सधैंका लागि दर्ज हुने नै छन् । (गोलडटकमबाट)