तेस्रो डिभिजनको क्लबसँग हारेपछि कोपा डेल रे बाट बाहिरियो रियल

काठमाडौं : रियल मड्रिड तेस्रो डिभिजनको क्लबसँग हारेर कोपा डेल रे प्रतियोगिताबाटै बाहिरिएको छ । बुधबार राती भएको खेलमा स्पेनको तेस्रो डिभिजनको क्लब एल्कोयानोसँग २-१ गोल अन्तरले हारेपछि रियल प्रतियोगिताको अन्तिम ३२ बाटै बाहिरिएको हो । 

रियलले खेलमा अग्रता समेत लिएर जोगाउन नसक्दा प्रतियोगिताबाटै बाहिरिन पुगेको हो । रियलका लागि मिलिटानोले ४५ औँ मिनेटमा गोल गरेर टोलीलाई अग्रता दिलाएका थिए । तर खेलको अन्त्यतिर ८० औँ मिनेटमा सोल्बेसले बराबरी गोल गरे । खेल बराबरी भएपछि अतिरिक्त समयमा धकेलिएको थियो । 

अतिरिक्त समयमा १० खेलाडीमा सिमित भएको एल्कोयानोका लागि ११५ औँ मिनेटमा कासानोभाले विजयी गोल गरे । कासानोभाको गोलले एल्कोयानो कोपा डेल रे प्रतियोगिताको अघिल्लो चरणमा प्रवेश गर्दा रियल भने प्रतियोगिताबाटै बाहिरिएको हो ।

सर्वाधिक १९ औँ पटकसम्म कोपा जितेको रियल यसपटक भने अन्तिम ३२ बाट अघि बढ्न सकेन । (अन्तराष्ट्रिय सञ्चारमाध्यमको सहयोगमा)