नेपाल एडुफेयरको चौथो शैक्षिक मेला सुरु

काठमाडौं : नेपाल एडुफेयर डट कमको चौथो भर्चुअल शैक्षिक मेला बुधबारदेखि सुरु भएको छ । विगत वर्षमा झैँ यो वर्ष पनि हामीले प्लस टु उत्तीर्ण गरी स्नातक तहमा पढ्ने तयारी गरेका विद्यार्थीलाई सहजीकरण गर्ने उद्देश्यले भर्चुअल शैक्षिक मेलाको आयोजना गरिएको हो ।
 
कक्षा १२ उत्तीर्ण भएका विद्यार्थीलाई विषयको महत्व, सम्भावना, छनोट आदिका विषयमा सहजीकरण गरिर्ने आयोजकले जानकारी दिएका छन् । 

पहिले परामर्शका लागि विद्यार्थी कलेज धाउनुपर्ने बाध्यता थियो । त्यसलाई मध्यनजर गरेर विद्यार्थी, अभिभावक र कलेजलाई जोड्ने पुलको रूपमा भर्चुअल शैक्षिक मेला आयोजना भएको हो । अर्कोतर्फ अहिले कोरोना महामारीले विश्व नै आक्रान्त छ । यस्तो अवस्थामा भर्चुअल मेलाको विकल्प छैन । तर, हामीले कोरोनाअगावै पनि भर्चुअल रूपमा नै यस्ता मेलाहरू गर्दै आएका थियौँ । विज्ञान र प्रविधिको युगमा भर्चुअल मेलालाई नै अनुसरण गर्नुको विकल्प पनि छैन ।

मेलामा स्‍नातक तह अध्ययन अध्यापन गराउने उत्कृष्ट २० वटा कलेजको सहभागिता छ । र, प्रत्येक वर्ष हामीले ‘शिलापत्र उज्ज्वल स्कलरसिप’ अन्तर्गत विद्यार्थीलाई सतप्रतिशत छात्रवृत्ति प्रदान गर्दै आएको छ ।  यो वर्ष पनि हामीले विद्यार्थीलाई स्नातक तहमा नौवटा विषयमा र प्लस टु तहमा ३५ जना विद्यार्थीलाई पूर्ण छात्रवृत्ति उपलब्ध गरानेछ । 

अघिल्ला वर्षमा छात्रवृत्ति पाएका विद्यार्थीहरूले अहिले उच्च शिक्षा हासिल गर्दै छन्। हामीले आफ्नो सामाजिक उत्तरदायित्व अन्तर्गत स्कलरसिप दिँदै आएका छन्। यसलाई हामीले प्रत्येक वर्ष निरन्तरता दिँदै र छात्रवृत्ति पनि बढाउँदै आएका छन् ।  त्यस्तै, यहि ८ माघ देखि प्रत्येक दिन साँझ ६ देखि ६ः३० बजेसम्म शिलापत्रबाट ‘एडु टक’ लाइभ कार्यक्रम प्रसारण हुनेछ । उक्त कार्यक्रम युथ मोटिभेटर सौनक भट्टले संचालन गर्नेछन् ।