लागूऔषधसहित दुई जना पक्राउ

जनकपुर : प्रदेश २ प्रहरीले सिरहाको गोल बजारबाट दुई जनालाई लागू औषधसहित पक्राउ गरेको छ । प्रदेश प्रहरी कार्यालय जनकपुरबाट सादा पोशाकमा खटिएका प्रहरीले बिहीबार साँझ गोलबजार नगरपालिका ३ स्थित गागन खोला नजिकैबाट लागूऔषधसहित दुई जनालाई पक्राउ गरेको हो ।

पक्राउ पर्नेमा गोलबजार नगरपालिका २ का २२ वर्षीय राकेश कुमार साह र जिल्लाको मिर्चैया नगरपालिका ८ का २७ वर्षीय अनिल शर्मा रहेको छ ।प्रदेश प्रहरीका अनुसार विशेष सुचनामा आधारमा प्रदेश प्रहरी कार्यालय जनकपुरधाम र इलाका प्रहरी कार्यालय गोलबजार सिराहाबाट खटिएको संयुक्त प्रहरी टोलीले जाँच गर्दा लहानतर्फ गइरहेको  स ७ प ५७१२ र स १० प ५५२२ नम्बरको मोटरसाईकलबाट लागूऔषध बरामद भएको हो ।

उनीहरुको साथबाट प्रहरीले डाइलेक्स ३४ बोतल, डाइजेपाम इन्जेक्सन ४५ एमपुल, नुफिन ४५  पिस, स्पासमाप्रोस्राइन ४८ पिस निट्राभेट १४९७ पिस बरामद गरेको छ । पक्राउ परेकामाथि थप अनुसन्धान भइरहेको प्रहरीले जनाएको छ ।