नेयमार र एमबाप्पेको गोलमा पीएसजीको फराकिलो जित

काठमाडौँ : फ्रेन्च लिगमा पीएसजी विजयी भएको छ । घरेलु मैदानमा शुक्रबार राती भएको खेलमा पिएसजीले मोन्टपिलरलाई ४-० गोल अन्तरले पराजित गरेको हो । १० खेलाडीमा सिमित भएको मोन्टपिलरलाई हराउन पीएसजीका केलिएन एम्बाप्पेले दुई तथा नेयमार र इकार्डीले एक एक गोल गरे । 

जितपछि शीर्ष स्थानको पिएसजीको २१ खेलबाट ४५ अंक भएको छ । दोस्रो स्थानको लिलेको २० खेलबाट ४२ अंक छ। (अन्तराष्ट्रिय सञ्चारमाध्यमको सहयोगमा)