हल्याण्डले दुई गोल गर्दा पनि डर्टमुण्ड पराजित

काठमाडौं : जर्मन बुण्डेसलिगा फुटबलमा बोरुसिया डर्टमुण्ड पराजित भएको छ । शुक्रबार राती भएको खेलमा डर्टमुण्ड बोरुसिया मोन्चेग्लाबकसँग ४-२ गोल अन्तरले पराजित भएको हो । डर्टमुण्डका लागि एर्लिङ हाल्याण्डले दुई गोल गरेपनि टिमको हार टार्न सकेनन् ।

मोन्चेग्लाबकका निक एल्भिडले दुई तथा बेन्सबेनी र मार्कुस थुरुमले एक एक गोल गरे । जितपछि मोन्चेग्लाबक १८ खेलबाट ३१ अंक जोडेर चौथो स्थानमा उक्लिदा डर्टमुण्ड भने २९ अंकसहित पाँचौ स्थानमा धकेलिएको छ । 

बुण्डेसलिगामा बायर्न म्युनिक १७ खेलबाट ३९ अंकसहित शीर्ष स्थानमा छ ।