शुक्रबार २२ चैत, २०८१
Friday, April 04, 2025

साविक विजेता आर्सनल एफए कपबाटै बाहिरियो

काठमाडौँ : आत्मघाती गोल गरेपछि आर्सनल एफए कप फुटबलको चौंथो चरणबाटै बाहिरिएको छ । शनिबार राती भएको खेलमा साउथह्याम्पटनसँग १-० गोलले पराजित भएपछि साविक विजेता आर्सनल एफए कपबाट बाहिरिएको छ ।

आर्सनलका ग्राबियलले खेलको २४ औं मिनेटमा आत्मघाती गोल गर्दा फाइनलसम्म पुग्ने आर्सनलको सपना तुहियो । आर्सनलले सर्वाधिक १४ पटक एफए कपको उपाधि जिते पनि यसपटक भने चौथो चरणबाटै बाहिरिएको हो ।