एनसीसीको सेयर किन्‍नेको चाप बढेपछि नेप्सेले माग्यो स्पष्टीकण

काठमाडौं : नेपाल क्रेडिट एन्‍ड कमर्स बैंक लिमिटेडको सेयर खरिदमा चाप परेको भन्दै नेपाल स्टक एक्‍सचेन्ज (नेप्‍से)ले बैंकसँग स्पष्टीकरण मागेको छ । मूल्यमा प्रभाव गर्ने कुनै निर्णय गरेको आशंकामा बैंकलाई केरकार गरेको हो । बैंकलाई तीन दिनभित्र जवाफ दिन नेप्‍सेले भनेको छ ।

एनसीसी बैंकको सेयर मूल्य ९.९७ प्रतिशतले वृद्धि भएको छ । ३३ अंकले बढेको एनसीसीको सेयर मूल्य ३ सय ६४ रुपैयाँ पुगेको थियो । कारोबार खुलेको दुई मिनेटमा ३३ अंकले बढेको एनसीसीको सेयरको खरिदमा उच्च चाप परेको थियो ।

नबिल बैंकसँगको मर्जरको हल्लाले एनसीसी बैंकको सेयर मूल्यमा वृद्धि भइरहेको छ ।