प्रतिनिधि सभा पुनर्स्थापना भए पनि राजनीतिक समस्या समाधान हुन्‍न  : ठाकुर

काठमाडौँ : जनता समाजवादी पार्टीका अध्यक्ष महन्थ ठाकुरले प्रतिनिधि सभा पुनर्स्थापना भए पनि राजनीतिक समस्या समाधान नहुने बताएका छन् । सत्तारुढ नेकपाका राजनीतिक समस्या समाधान नहुने उनको भनाइ छ । 

आइतबार जनता समाजवादी पार्टी र नेपाल लोकतान्त्रिक पार्टी (शिवलाल थापा मगर समूह)बीच पार्टी एकिकरण घोषणा कार्यक्रममा ठाकुरले प्रतिनिधि सभा  पुनर्स्थापना भए पनि नेकपा कानुनी रूपमा विभाजित नभएको अवस्था भएकोले सत्ता नेकपाकै हातमा जाने र यसले समस्याको समाधान नगर्ने ठाकुरले बताए । 

कार्यक्रममा अर्का अध्यक्ष उपेन्द्र यादवले राजनीतिक परिवर्तनलाई जोगाउनु अहिलेको आवश्यकता रहेको बताए । संघीयता, गणतन्त्र, समावेशिताजस्ता मुद्दाहरूलाई समाप्त पारी मुलुकलाई पछाडी धकेल्ने प्रयास भएको भएकाले परिवर्तनलाई संस्थागत गर्नुपर्ने आवश्यकता उनको भनाइ छ । प्रतिनिधि सभा विघटनको कदमलाई खारेजी गर्नु नै प्रतिगमनलाई परास्त गर्नु उनले बताए । 

वरिष्ठ नेता राजेन्द्र महतोले संविधान र शासन पटक-पटक बदलिए पनि विचार र व्यवहार नबदलिएका कारण देशमा प्रतिगमन हुने गरेको धारणा राखे । कम्युनिष्ट र कांग्रेसले देशलाई गोलचक्करमा फसाएको आरोप उनको छ । 

जनता समाजवादी पार्टी र नेपाल लोकतान्त्रिक पार्टी (शिवलाल थापा मगर समूह)बीच आइतबार पार्टी एकता घोषणा भएको छ ।