भ्यालेन्सियामाथि एथ्लेटिको मड्रिडको शानदार जित

काठमाडौँ : ला लिगा लिडर एथ्लेटिको मड्रिडले भ्यालेन्सियालाई हराएको छ । आइतबार राति भएको खेलमा एथ्लेटिकोले भ्यालेन्सियालाई ३-१ गोलले हराएको हो ।

एथ्लेटिकोलाई जिताउन जोआओ फेलिक्स, लुइस स्वारेज र एन्जल कोरियाले गोल गरे । भ्यालेन्सियाले शुरुवाती गोल गरेपनि त्यसलाई जोगाउन सकेन । जितपछि शीर्ष स्थानमै रहेकाले एथ्लेटिकोले अग्रता फराकिलो बनाएको छ ।

१९ खेलबाट ४७ अंक जोडेको एथ्लेटिकोले दोस्रो स्थानको रियलभन्दा ७ अंकको अग्रता लिएको छ भने तेस्रो स्थानको बार्सिलोनालाई १० अंकले पछि पारेको छ ।

बार्सिलोना आइतबार राती भएकै खेलमा इल्चेलाई २-० गोलले हराउँदै तेस्रो स्थानमा रहेको हो । ला लिगाकै अन्य खेलमा ओसासुनाले ग्रानाडालाई ३-१ र सेल्टा डी भिगोले एइबरसँग १-१ गोलको बराबरी खेलेको छ ।