धनुषामा मोटरसाकल दुर्घटना, एक जनाको मृत्यु

जनकपुरधाम : धनुषाको कमला नगरपालिकामा मोटरसाइकल दुर्घटना हुँदा एक जनाको मृत्यु भएको छ। आइतवार साँझ कमला नगरपालिका २ माचि झिटकैयामा हुलाकी राजमार्गमा मोटरसाइकको ठक्करबाट स्थानीय ५६ वर्षीय गोपाल यादवको मृत्यु भएको ईलाका प्रहरी कार्यालय खजुरीले जनाएको छ ।  यादको घटनास्थलमै मृत्यु भएको हो।

पश्चिमबाट पूर्वतर्फ गईरहेको प्रदेश–२–०२–००१ त ३१२६ नम्बरको मोटरसाइकलले ठक्करदिएको ईलाका प्रहरी कार्यालय खजुरीका प्रहरी नीरीक्षक हृयेन्द्र रोकायाले बताए ।

कमला नगरपालिका वडा नं. ३ लगमा बजारस्थित लागेको दुर्गा मेला हेरेर आफ्नो घरतर्फ आइरहेको क्रममा यादवलाई विपरित दिशाबाट आएको मोटरसाइकलले ठक्कर दिएको थियो ।

घटनामा ठक्कर दिने  मोटरसाइकलमा बसेका सुजित मण्डल समेत घाइते भएका छन् । दुईजना सवार रहेको सो मोटरसाइकलमा मण्डल घाइते भएपछि अन्य एकजना मोटरसाइकल लिएर फरार भएको प्रहरीले जनाएको छ ।

प्रहरी निरीक्षक रोकायाका अनुसार घाइते मण्डललाई उपचारका लागि अस्पताल पुर्याइएको छ भने मृतकको शव पोष्टमार्टमका लागि प्रादेशिक अस्पतालमा पठाइएको र घटनाको अनुसन्धान भइरहेको प्रहरीले जनाएको छ ।