पाल्पाको हुमिनमा ग्लोबल आइएमईको नयाँ शाखारहित बैंकिङ सेवा

काठमाडौं : पाल्पाको हुमिन(ग्याङ्गसिंगपोखरा)मा ग्लोबल आइएमई बैंकले नयाँ शाखारहित बैंकिङ सेवा सञ्‍चालनमा ल्याएको छ । यो शाखारहित बैंकिङ्ग सेवा सञ्‍चालनमा आएसँगै बैंकको शाखारहित बैंकिङ्ग सेवा संख्या २ सय ४५ पुगेको छ ।

बैंकले पाल्पा जिल्ला रम्भा गाउँपालिका वडा नं. ४, हुमिन(ग्याङ्गसिंगपोखरा)मा सञ्चालनमा ल्याएको शाखारहित बैंकिङ्ग सेवाको उद्घाटन रम्भा गाउँपालिका वडा नं. ४ का वडाअध्यक्ष भोज बहादुर बि.क.ले गर्नुभयो । उक्त शाखारहित बैंकिङ्ग सेवाको प्रतिनिधि बिष्णु बहादुर बोम्रेललाई नियुक्त गरिएको छ । 

शाखारहित बैंकिङ्ग सेवाबाट देशका विभिन्न ग्रामीण क्षेत्रका स्थानिय बासिन्दाले स्थानिय प्रतिनिधि मार्फत बैंकिङ्ग सेवा लिन सक्नेछन् ।