तीन कम्पनीको बोनस सेयर सूचीकृत

काठमाडौं : बुधबार तीन कम्‍पनीको बोनस सेयर नेपाल स्‍टक एक्‍सचेञ्‍ज (नेप्‍से)मा सूचीकृत भएको छ । साल्ट ट्रेडिङ कर्पोरशेन लिमिटेडको ३ लाख ८४ हजार ४८८ कित्ता बोनस सेयर, फर्स्ट माइक्रोफाइनानस लघुवित्त वित्तीय संस्थाको ७ लाख ६० हजार ७०४ दशमलव ५४ कित्ता र सिटीजन्स बैंक इन्टनेसनलको ७२ लाख ७१ हजार ८५३ दशमलव ८३१८ कित्ता बोनस शेयर सूचीकृत भएको हो ।

ती तीनै कम्पनीको बोनस सेयर हितग्राही खातामा आएपछि सेयरधनीले किनबेच गर्न सक्नेछन् । साल्ट ट्रेडिङ कर्पोरशनले मंसिर ३० गते सम्पन्न वार्षिक साधारण सभाबाट पारित गरेको २५ प्रतिशत बोनस सेयर सूचीकृत गराएको थियो ।

फर्स्ट माइक्रोफाइनान्सले मंसिर १८ गते सम्पन्न वार्षिक साधारण सभाबाट पारित ९ दशमलव ५० प्रतिशत बोनस सेयर र सिटीजन्स बैंकले ८ प्रतिशत बोनस सेयर सूचीकृत गराएको हो ।