टेस्ट श्रृङ्खला : दक्षिण अफ्रिकाविरुद्ध पाकिस्तानले बनायो ३७८ रन

काठमाडौँ : कराँचीमा जारी पहिलो टेस्टको तेस्रो दिनको खेलमा घरेलु टिम पाकिस्तानले दक्षिण अफ्रिकाविरुद्ध तीन सय ७८ रन बनाएको छ । अघिल्लो दिन आठ विकेट गुमाएर तीन सय आठ रन बनाएको पाकिस्तानले बिहीबार दुई विकेट गुमाउँदै ७० रन थप गर्यो ।
यसअघि दक्षिण अफ्रिकाले पहिलो इनिङमा दुई सय २० रन बनाएको थियो । पाहुना टोलीका लागि कागिसो राबाडाले ७० रन खर्चेर तीन विकेट लिए । उनले टेस्ट करियरको दुई सयौं विकेट लिँदा घरेलु टिमका हसन अली २१ रनमा पभेलियन फर्के ।
बुधबार, फवाद अलामले शतक प्रहार गर्दा पाकिस्तानले इनिङ उकासियो । घरेलु मैदानमा भएको टेस्टमा पहिलो पटक शतक दर्ता गरेको आलमले दुई सय ४५ बलको सामना गर्दा एक सय नौ रन बनाएका थिए । दक्षिण अफ्रिकाले दोस्रो इनिङको सुरुवात गर्दा ऐडेन मार्कराम र डिन एलगर क्रिजमा छन् । मार्करामले १६ रन बनाएका छन् भने एलगर १८ रनमा ब्याटिङ गरिरहेका छन् ।
दुई टेस्ट खेलिने यस श्रृङ्खलाका लागि दक्षिण अफ्रिका १४ पर्षपछि पाकिस्तानको भ्रमणमा आएको हो । पहिलो टेस्ट कराँचीमा भइरहँदा दोस्रो टेस्ट फेब्रुअरी चारबाट रावलपिन्डीमा हुनेछ । पाकिस्तानले पछिल्ला सात टेस्टमध्ये एकमा मात्रै जित दर्ता गरेको छ ।

लिभरपुलको पुन: जित, ७३ अंकसहित पहिलो स्थानमा

आज आइपीएलका सबैभन्दा महँगा खेलाडी आमुने-सामुने हुने

एनसेल एनएसएल सिजन–३ सुरु, आज बुटबल लुम्बिनी एफसी र झापा एफसीबी भीड्दै

एन्फाको वार्षिक बजेट डेढ अर्ब

टिकटक बन्यो एनसेल नेपाल सुपर लिग सिजन ३ को अफिसियल इन्टरटेनमेन्ट पार्टनर

मुख्यमन्त्री कपकाे उपाधी गुल्मीलाई

च्याम्पियन्स ट्रफी विजेता टोलीलाई भारतले ५८ करोडको पुरस्कार दिने

प्रतिक्रिया