वालिङको जितमा विदेशी खेलाडीको गोलको वर्षा

काठमाडौँ: महिला राष्ट्रिय फुटबल लिगमा चौदण्डीगढीको खराब लय बिहीबार पनि कायम रह्यो । लिगमा तेस्रो पराजय भोग्‍ने क्रममा चौदण्डीगढी वालिङ नगरपालिकासँग १०-० ले निरिह बन्यो । 

सात टिम सम्मिलत लिगमा वालिङलाई पहिलो जित दिलाउन विदेशी खेलाडी निर्णयक बने । क्यामरुनकी मेठो एल्युडाई रुथले दाहोरो ह्याट्रिक गरिन् भने सोही मुलुककी टुटा ओरानेल्लाले इभानिक नोइल्ले एक गोल थपिन् । त्यस्तै, सम्झना शर्माले दुई गोल र मनमाया दमाईले एक गोल गरे । 

रुथले वालिङका लागि १२ मिनेट भित्र तीन गोल गरिन् । रुथले सातौँ, नौऔँ र १९ औँ मिनेटमा गोल गरिन् । वालिङको अग्रता ४-० बनाउन मनमायाले ३३ औँ मिनेटमा गरिन् भने विजय टिमकी नोइल्ले ४९ औँ मिनेटमा गोल गरिन् । रुथले ६३ औँ र ७१ औँ मिनेटमा ब्यक्तिगत चौथौँ र पाँचौँ गोल गरिन् । सम्झनाले ८० औँ मिनेटमा पहिलो गरन् भने त्यसको दुई मिनेटपछि अर्को गोल थपिन् । वालिङको नौऔँ गोल पनि रुथले नै गरिन् ।  

लिगका तीन खेलमा चौदण्डीगढीले २३ गोल खाइसकेको छ भने एक गोल मात्रै फर्काएको छ । उता वालिङ भने जितपछि लिगको तेस्रो स्थानमा उक्लेको छ । अपराजित एपीएफ क्लब भने नौ अंकका साथ लिगको शीर्षस्थानमा छ ।