लेभान्टेसँग हार्‍यो रियल मड्रिड

काठमाडौँ : स्पेनिस ला लिगा फुटबलमा साविक विजेता रियल मड्रिड लेभान्टेसँग पराजित भएको छ । शनिबार राती भएको खेलमा रियल लेभान्टेसँग २-१ गोल अन्तरले पराजित भएको हो । मालिटोले खेल शुरु भएको ९ मिनेटमै रातो कार्ड खाएपछि रियल १० खेलाडीमा सिमित भएको थियो ।

तर उसका लागि मार्को असिन्सियोले १३ औँ मिनेटमा गोल गर्दै टिमलाई अग्रता दिलाए । तर त्यो अग्रता धेरैबेर टिकेन । लेभान्टेका जोशे लुइस मोर्लेसले ३२ औँ मिनेटमा बराबरी गोल फर्काए । पहिलो हाफ एक एक गोलको बराबरीमा सकिदो दोस्रो हाफको ७८ औँ मिनेटमा लेभान्टेले विजयी गोल गर्‍यो ।

उसका लागि रोजर मार्टीले गोल गर्दै लेभान्टेलाई तीन अंक दिलाउन सफल भए । जितपछि रियल २० खेलबाट ४० अंकसहित दोस्रो स्थानमा छ । हार व्यहोरेको लेभान्टे २० खेलबाट २६ अंकसहित ला लिगाको नवौँ स्थानमा छ । दुई खेल कम खेलेको एथ्लेटिको मड्रिड भने ४७ अंकसहित ला लिगाको शीर्ष स्थानमा छ । ला लिगाका अन्य खेलमा सेभिल्लाले एइबरलाई २-० गोलले हराउँदा भिल्लारियल र रियल सोसिडाडले एक एक गोलको बराबरी खेलेका छन् ।