फ्रान्समा फेरि एक महिना लकडाउन

फ्रान्सेली राष्ट्रपति एमानुयल म्याक्रोन। फाइल तस्वीर/रोयटर्स

काठमाडौं : फ्रान्सेली राष्ट्रपति एमानुयल माक्रोनले देशभरि नै नयाँ लकडाउनको घोषणा गरेका छन् । कोभिड १९ महामारीको दोस्रो लहरको संक्रमण पहिलेको भन्दा अझ घातक हुन सक्ने भन्दै राष्ट्रपति माख्रोले दोस्रो चरणको लकडाउन घोषणा गरेका हुन्। 

शुक्रबारदेखि नयाँ घोषणा लागू हुने बीबीसीले जनाएको छ । बीबीसीकाअनुसार मानिसहरूलाई अत्यावश्यक कामबाहेक घरबाहिर ननिस्कन भनिएको छ।

समाचारअनुसार कम्तिमा पनि नोभेम्बरको अन्तिममसम्म रेस्टुरेन्ट तथा बारहरू बन्द हुनेछन्। तर विद्यालय भने खुला रहने समाचारमा जनाइएको छ। सुपरमार्केट र फार्मेसीहरु पनि खुला रहनेछन्। फ्रान्समा पछिल्लो २४ घण्टामा थप ३६ हजार ४३७ जनामा कोरोना पुष्टि भएको छ ।