गण्डकी प्रदेशमा हड्तालको आंशिक प्रभाव

फाइल फोटो

पोखरा : गण्डकी प्रदेशमा नेकपा दाहाल-नेपाल समूहले घोषणा गरेको आम हड्तालको आशिंक प्रभाव परेको छ । गण्डकी प्रदेशका केही जिल्लामा गाडीहरु चलेका छन् । विद्यालय बन्द छन् । आजलाई तय भएका परीक्षा सारिएको छ । प्रहरीका अनुसार अहिलेसम्म गण्डकीमा अप्रिय घटना घटेका छैनन् । 

गण्डकीको राजधानी पोखरामा भने बिहानैदेखि बन्दकर्ताहरु सडकमा छन् । उनीहरुले बाटो बन्द गर्ने प्रयास गरेका छन् । पोखराको महेन्द्रपुलमा प्रहरी र बन्दकर्ताबीच सामान्य विवाद भएको थियो । 

बन्दकर्ताले गुडिरहेको कारलाई लाठी हानेपछि प्रहरी र बन्दकर्ताबीच विवाद भएको थियो । अहिलेसम्म कास्कीमा बन्दकर्ता एक जना पनि पक्राउ परेका छैनन् । बन्दकर्ताले एम्बुलेन्स, बिरामी बोकेका ट्याक्सी, दूध तथा अत्यावश्यक मालबाहक गाडी भने चल्न दिएका छन् ।