अहिले मुलुक प्रगिमनतर्फ धकेलिनुमा मधेसी जनता पनि दोषी छन् : निधि

जनकपुरधाम : नेपाली कांग्रेसका उपसभापति विमलेन्द्र निधिले गत निर्वाचनमा मधेशी जनताले मधेसमा कांग्रेसलाई मत नदिएकाले अहिले मुलुक प्रतिगमनतर्फ धकेलिएको बताएका छन् । शनिबार प्रतिनिधि सभा विघटनविरुद्ध पार्टीका भ्रातृ संगठनहरूले गरेको विरोधसभामा उपसभापति निधिले मुलुक प्रतिगमनतर्फ धकेलिनुमा केही दोष मधेसी जनताको पनि रहेको बताए । 

कांग्रेसलाई मधेसी जनताले मत नदिएकाले संघीयता र संविधान समाप्त हुने परिस्थिति निर्माण भएको र त्यसमा केही न केही दोष मधेसी जनताको पनि रहेको उनले बताए । ‘कांग्रेसले धेरै शासन गर्‍यो भनेर मधेसी जनताले कांग्रेसलाई हराएको परिणाम आज केपी शर्मा ओलीजस्ता निरंकुश शासकले आफ्नो पार्टीगत विवादका कारण मुलुकलाई प्रतिगमनतर्फ धकेलिरहेका छन्,’ निधिले भने । 

मधेसमा कांग्रेसले जितेको भए अहिले यस्तो परिस्थिति नआउने पनि निधिले बताए । हजारौंको शहादत पश्चात प्राप्त उपलब्धी संघीयता र संविधानसमेत समाप्त हुने अवस्थामा पुगिसकेको निधिले बताए । 

मधेसी जनताले आफ्ना गल्ती सच्याउन प्रतिगमनविरुद्ध आन्दोलित नबने कम्युनिष्टहरूको निरंकुशता झन बढदै जाने निधिले बताए । मुलुकलाई बचाउन कांग्रेस प्रतिनिधि सभा पुनस्थापन गर्ने पक्षमा रहेको निधिले बताए । प्रतिनिधि सभा पुनस्र्थापना नभएमा कांग्रेस लोकतान्त्रिक प्रक्रिया निर्वाचनमा पनि जान तयार रहेको निधिको भनाइ छ ।