५ लाखमा सक्छु भन्दै २५ लाख खर्च गराएपछि साम्राज्ञीको फिल्मका नृत्य निर्देशक र निर्माताबीच झगडा

काठमाडौं :  चलचित्रको गीतको छायांकनमा भएको खर्चलाई लिएर चलचित्र निर्माता र नृत्य निर्देशकबीच असमझदारी बढेको छ । चलचित्र ‘तिम्रो मेरो साथ’ को छायांकन स्थलबाट बाहिरिएको यो तस्बिर चलचित्रको आइटम गीतको हो । यसै गीतमा चलचित्रका निर्देशक र निर्माता रमेश एम के पौडेल र नृत्य निर्देशक रामजी लामिछानेबीच असमझदारी बढेको हो ।

चलचित्रको नाम ‘तिम्रो मेरो साथ’ भए पनि आफूले नृत्य निर्देशकबाट साथ नपाएकोमा निर्माताले गुनासो गरेका छन ।     चलचित्रसँग आबद्ध निकट स्रोतका अनुसार आइटम गीत पाँच लाखमा सकाउंने जिम्मा लिएका रामजीले यसै गीतको बजेट २५ लाखभन्दा बढी खर्च गराएका थिए ‘ अहिलेको समयमा जोखिम उठाएर चलचित्र बनाइयो तर, सहकर्मीहरूका  कारण जोखिम माथि जोखिम बढ्यो ‘ निर्माताको गुनासो छ ।  

चलचित्रको गीतमा नृत्य निर्देशकले बजेट बढाएपछि निर्माता पौडेल र नृत्य निर्देशक लामिछानेबीच बोलचाल नै बन्द भएको थियो तर, यता लामिछाने  निर्माताको आरोप अस्विकार गर्छन । उनले भने, ‘ मैले गीतलाई राम्रो बनाउन कोशिस गरेको हुँ । थोरै लगानीमा नराम्रो गीत बनाउनुभन्दा केही रकम बढी लगाएर राम्रो गीत बनाउंने मेरो सोच हो । अहिले मलाई गाली गरे पनि पछि रिजल्ट राम्रो आइपछि निर्माता खुशी हुनु हुनेछ ‘ रामजीको विश्वास छ ।

माघको पहिलो साताबाट फ्लोरमा गएको फिल्मको अहिले धमाधम सुटिङ भइरहेको छ । फिल्ममा साम्राज्ञीराज्य लक्ष्मी शाह, पुष्प खड्का र सन्दीप क्षेत्री आदि कलाकारको अभिनय रहेको छ । विवाद भएको भनिएको गीत साम्राज्ञीमाथि खिचिएको हो ।