उपत्यकामा थप १ हजार ८८८ जनामा कोभिड संक्रमित

काठमाडौँः पछिल्लो २४ घण्टामा काठमाडौँ उपत्यकामा १ हजार ८८८ कोभिड–१९ संक्रमित थपिएका छन् । जसमध्ये काठमाडौँमा एक हजार ५ सय ८, भक्तपुरमा एक सय ३१ र ललितपुरमा दुई सय ४९ जना संक्रमित थपिएको स्वास्थ्य तथा जनसंख्या मन्त्रालयले जानकारी दिएको छ ।

हिजो उपत्यकामा १६ सय १५ जना कोभिड संक्रमित थपिएका थिए । जसमध्ये काठमाडौँमा एक हजार ३ सय ३८, भक्तपुरमा ९७ र ललितपुरमा एक सय ८० जना संक्रमित भेटिएको मन्त्रालयले जनाएको थियो ।