भागरथी हत्या प्रकरण : शव अझै उठेन, धनगढीबाट थप प्रहरी बैतडी पठाइयो

धनगढी : बैतडीको दोगडाकेदार गाउँपालिका–७ चडेपानीकी १७ वर्षीया भागरथी भट्टको हत्याका दोषी पक्राउ नपरेसम्म शव नबुझ्ने अडान परिवारले कायमै राखेको छ । सात दिनअघि बलात्कारपछि हत्या गरिएकी भट्टको शव अझै उठ्न नसकेको हो ।
शनिबार शव परीक्षण भए पनि आफन्तले शव बुझ्न नमानेकाले जिल्ला अस्पतालमै राखिएको प्रदेश प्रहरी कार्यालय सुदूरपश्चिमका प्रवक्ता एवंम प्रहरी वरिष्ठ उपरीक्षक मुकेशकुमार सिंहले जानकारी दिए । पोष्टमार्टम रिपोर्टमा बलात्कारपछि हत्या भएको पुष्टि भएको बताउँदै सिंहले भने, ‘घटनाको सत्यतथ्य छानबिन गरी हत्यारा पत्ता नलाग्दासम्म शव नबुझ्ने अडान परिवारको छ । हामीले अनुसन्धानलाई तीव्रता दिएका छौ ।’
भागरथीको भजाइनल स्वाबलगायत आवश्यक तथ्य परीक्षणका लागि विधीविज्ञान प्रयोगशाला पठाइएको बताउँदै सिंहले अनुसन्धान साँघुरिदै गएको दाबी गरे । ‘भागरथीका नजिकका साथी, घटना भएको दिन उक्त बाटो भएर हिँडडुँल गर्ने व्यक्ति, सो दिनदेखि भारत गएका व्यक्तिसंग सोधपुछ भएको छ,’ उनले भने, ‘प्राप्त तथ्य र संकास्पद व्यक्तिको बयान भिडाउने काम भईरहेको छ । हामी छिट्टै परिणाम सार्वजनिक गर्छाै ।’ एसएसपी सिंहका अनुसार हालसम्म डेढ दर्जन बढि संकास्पद व्यक्तिसंग सोधपुछ भईसकेको छ ।
धनगढीबाट थप प्रहरी परिचालन
सुदूरपश्चिमका प्रहरी प्रमुख प्रहरी नायब महानिरीक्षक डिआईजी उत्तमराज सुवेदी चार दिनदेखि बैतडीमा छन् । भागरथी हत्या प्रकरणको अनुसन्धानमा स्वयंम डिआईजी सुवेदी पनि खटिएका छन् ।
जिल्ला प्रहरी कार्यालय बैतडीका प्रमुख प्रहरी नायव उपरीक्षक नारायाण प्रशाद अधिकारी अनुसन्धान अधिकृत भएर काम गरिरहेका छन् भने उनलाई सघाउन प्रहरी वरिष्ठ उपरीक्षक जनकराज पाण्डेय र केन्द्रीय अनुसन्धान ब्युरोका डीएसपी पञ्चकुमार बाखुको टोली खटिएको छ । अनुसन्धानलाई सघाउन थप प्रहरी परिचालन गरिएको प्रदेश प्रहरी कार्यालयका प्रवक्ता एवंम् प्रहरी वरिष्ठ उपरीक्षक सिंहले बताए ।
‘सुदूरपश्चिम प्रदेश प्रहरी कार्यालयको निर्देशनमा धनगढीबाट थप प्रहरी परिचालन गरिएको छ,’ सिंहले भने, ‘अनुसन्धानलाई सफल र छिटो टुङ्गोमा पुगाउन प्रहरीका विभिन्न टोली पठाएका हौँ ।’ बैतडीको दोगडाकेदार गाउँपालिका–७ की १७ वर्षीया किशोरी भट्ट गत बुधबार विद्यालयबाट घर फर्किने क्रममा बेपत्ता भएकी थिइन् । भोलिपल्ट साँझ स्थानीय लबलेक सामुदायिक वनमा बलात्कारपछि हत्या गरेको अवस्थामा उनी मृत फेला परेकी थिइन् ।

पहिरोले अवरुद्ध जयपृथ्वी राजमार्ग सञ्चालन
_0Q0VUv201A_kvt31x87ukqaspt0vuudke45gt9vmpatmrq9ftfj2i8m6kiog2bq3yjrovlf_AFNUDpsKj6_15if3eshn3xxhedwwlg1hta5ucdhylnbxyernldnltz7aqcrujv0uuzzmnww_A3DxqOYBXA_qydzohbuqx6qc3soelnfq5co1vrusc2sapiwh0wix5cuvjp9wu5xfatfdgue_zjfVErxwTE_ghjmkierbmitu8bq5nw8udhta6uedanbq5rti2vaydqbqnbgv8gxzalpvl0a_lie23lTdps_2gab2x5qqoxl0ee26hmese5tgx7ihf6o7pdyvz5pqywb5v3cosuwvcrkgdpp_DphkoxqMaL_0ad5itffvzu3neuhcqfhivfp6gnn2aw9asausvcsbbztabgnghxddnw0hwhk_RzKyBw2z1D_stgheqsldumg6qa46hguc7a1nmfx8zp4elnmuxmuplhqlahmbrqd9jccc0ge.jpg)
बाढीको त्रास : लठ्ठागौरीका बासिन्दा त्रिपाल टाँगेर बस्न बाध्य

बाख्रापालनमा जमेका चन्द दम्पती

बैतडीमा जीप दुर्घटना : दुई जनाको मृत्यु, ६ जना घाइते

बंगुरका पाठापाठी बेचेर वार्षिक १२ लाख आम्दानी

टीकापुरका महिला जनप्रतिनिधिहरू भन्छन्- आफ्नो भूमिकाको ज्ञान भयो

कुपोषित बालबालिका खोज्दै टीकापुर नगरपालिका

प्रतिक्रिया