तरुण दलद्वारा स्वास्थ्य सामाग्री सहयोग

काठमाडौं : नेपाल तरुण दलले स्वास्थ्यकर्मीको सुरक्षालाई मध्य नजर गर्दै स्वास्थ्य सामाग्री वितरण गरेको छ । नेपाल तरुण दलको ६८ औं स्थापना दिवसको अवसरमा शुक्रबार त्रिभुवन विश्वविद्यालय शिक्षण अस्पतालमा वितरण गरेको हो ।

जनताको स्वास्थ्य रक्षाको लागि आफ्नो ज्यान जोखिममा राखेर सेवा प्रदान गरिरहेका स्वास्थ्यकर्मीको सुरक्षालाई मध्य नजर गर्दै स्वास्थ्य सामाग्री वितरण गरिएको नेपाल तरुण दलका अध्यक्ष जित जङ्ग बस्नेतले बताए । 'त्रिभुवन विश्वविद्यालय शिक्षण अस्पताल (कोभिड-१९ उपचारमा सहयोगको लागि) मा गई (४००० थान मास्क, ३० थान पि.पि.ई सेट र ५२ थान फेस शिल्ड) नेपाल तरुण दल केन्द्रीय समितिद्वारा हस्तान्तरण गरिएको छ' बस्‍नेतद्वारा जारी विज्ञप्तीमा भनिएको छ । दरुण दललाई उक्त माक्स नेपाली कांग्रेस काठमाडौं क्षेत्र नं. ३ का महासमिति सदस्य हरिबोल भण्डारी र मेन्ज फाउन्डेसनका अध्यक्ष मेन्ज खानले उपलब्ध गराएको जनाएको छ ।