राकिटिकले पनि गोल गरेपछि सेभिल्लासँग हार्‍यो बार्सिलोना

काठमाडौँ : स्पेनिस कोपा डेल रे कप फुटबलको पहिलो लेगमा सेभिल्लाले बार्सिलोनालाई हराएको छ । बुधबार राती भएको खेलमा सेभिल्लाले बार्सिलोनालाई २-० गोलले हराएको हो ।

बार्सिलोनालाई हराउन सेभिल्लाका कोन्डे र राकिटिकले गोल गरे । राकिटिक यसै सिजन बार्सिलोनाबाट आफ्नो पुरानो क्लब सेभिल्ला फर्किएका थिए । बार्सिलोनालाई थुप्रै उपाधि जिताउन मिडफिल्डको भूमिका खेलेका राकिटिकलाई यस सिजनको सुरुवातमै उसले पुराना क्लब फर्काएको थियो ।

बार्सिलोनाबाट निराश भएर सेभिल्ला फर्किएपनि टिमलाई जिताउन महत्वपूर्ण समयमा राकिटिक गोल गर्दै आएका छन् ।