कौडा खेल्ने ३ जना ३ लाख ३२ हजार नगदसहित पक्राउ

जनकपुरधाम : महोत्तरीमा कौडा खेलेको आरोपमा ३ जनालाई पक्राउ गरेको हो । शनिवार जिल्लाको मनरासिसवा नगरपालिका-६ बाँसघारीबाट गोप्य सूचनाको आधारमा प्रहरीले ३ जनालाई रंगेहात पक्राउ गरेको हो ।

जिल्ला प्रहरी कार्यालय महोत्तरीका प्रवक्ता प्रहरी नायब उपरीक्षक प्रकाश विष्टले जिल्लाको मनरासिसवा नगरपालिका-७ का विनोदकुमार साह, सरोजकुमार साह र सन्तोषकुमार साहलाई कौडा खेलीरहेको अवस्थामा नगदसहिद पक्राउ गरिएको जानकारी दिए ।  कौडा खेलिरहेका अन्य दुई जना फरार रहेको उनले जानकारी दिए । पक्राउ परेका तीनै जनामाथि जुवा मुद्दामा थप अनुसन्धान भइरहेको प्रहरीले जनाएको छ ।

त्यस्तै प्रहरीले आजै महोत्ररीबाट लागू औषधसहित अर्का एक जनालाई पनि पक्राउ गरेको छ । शनिबार दिउसो सम्सी गाउँपालिका-६ सम्सी बजारबाट चेकजाँचको युवकलाई पक्राउ गरिएको हो । प्रवक्ता बिष्टका अनुसार भारतबाट अवैध रुपमा लागू औषध ल्याइरहेको सूचनाको आधारमा चेकजाँच गर्दा महोत्तरी बर्दिबास नगरपालिका ३ गौरी डाँडाका २४ वर्षका २४ को रणबहादुर ठारा मगरलाई पक्राउ गरिएको हो ।

मगरको साथबाट नाइट्रोभेट १० पिस, निट्राजेपाम १० पिस र स्पासमो प्रोक्सीभोन २४ पीस ट्याबलेटसहितका लागू औषध बरामद भएको प्रहरीले जनाएको छ । उनीमाथि लागू औषध मुद्दामा थप अनुसन्धान भइरहेको बिष्टले जानकारी दिए ।