सांसद विश्वकर्माको उपचारमा गम्भीर बन्न सरकारलाई कांग्रेसको आग्रह
कोरोना संक्रमित विश्वकर्मालाई श्वासप्रश्वासमा समस्या
कात्तिक १५, २०७७ शनिबार १९:४५
काठमाडौं : प्रमुख प्रतिपक्षी दल नेपाली कांग्रेसले पार्टीका केन्द्रीय सदस्य तथा प्रतिनिधिसभाका सांसद मीन विश्वकर्माको उपचारमा सहयोग गर्न सरकारलाई विशेष अनुरोध गरेको छ ।
कांग्रेसका प्रमुख सचेतक बालकृष्ण खाणले शनिबार प्रधानमन्त्री केपी शर्मा ओली र स्वास्थ्य तथा जनसंख्या मन्त्री भानुभक्त ढकालसँग सांसद विश्वकर्माको उपचारमा गम्भीर बन्न आग्रह गरेका हुन् । विश्वकर्मा कोभिड-१९ संक्रमित भएर पहिला वीर अस्पतालमा र बढी भएपछि अहिले ग्राण्डी अस्पतालमा उपचाररात छन् ।
प्रमुख सचेतक खाणले शनिबार प्रधानमन्त्री ओली र स्वास्थ्य तथा जनसंख्यामन्त्री ढकाललाई टेलिफोन गरी विश्वकर्माको उपचारमा गम्भीर बन्न अनुरोध गरेका हुन । विश्वकर्मा कात्तिक ९ गते कोभिड संक्रमित भएका थिए ।
विश्वकर्माको फोक्सोमा निमोनिया भएको र श्वासप्रश्वासमा समस्या देखिएपछि धापासीस्थित ग्राण्डी अन्तर्राष्ट्रिय अस्पतालमा भेन्टीलेटरमा राखी उपचार भइरहेको छ । उनको अवस्था गम्भीर बन्दासम्म पनि सरकारले उपचारमा ध्यान नदिएपछि खाणले टेलिफोन गरेरै अनुरोध गरेका हुन् ।
एमाले कर्णाली प्रदेश कमिटीको अभियानः सङ्गठन चलाउन ‘थैली अभियान’
प्रधानमन्त्रीसहित प्रमुख तीन दलका शीर्ष नेताको छलफल
गृहमन्त्रीको राजीनामा मागेर संसद अवरोध गर्नु लोकतन्त्र विपरीत होः प्रधानमन्त्री …
गृह मन्त्रालय र यातायात व्यवासयीबीच वार्ता समिति गठन गर्ने सहमति
जातीय एकता र समझदारी वृद्धि गरी राष्ट्र निर्माणमा जुट्न प्रधानमन्त्रीको आह्वान
पूर्वराष्ट्रपति भण्डारी स्वदेश फिर्ता
एमालेको 'झोले अभियान'
प्रतिक्रिया