पूर्व राज्यमन्त्री राय जुवा खालबाट पक्राउ

काठमाडौं : पूर्वराज्यमन्त्री खोभारी राय यादवसहित १० जना जुवाखालबाट पक्राउ परेका छन् । महानगरीय प्रहरी वृत्त स्वयम्भुले उनीहरुलाई शनिबार पक्राउ गरेको हो । पक्राउ पर्नेमा विक्रम लामा, देवेन्द्र श्रेष्ठ, उत्तर कुमार लामा, जीतपुर लामा, पर्वत भण्डारी, कान्छा तामाङ र सबिन लामालगायत छन् ।

स्वयम्भुस्थित साँइली तामाङको घरमा जुवा खेलिरहेको अवस्थामा पक्राउ परेका उनीहरुको साथबाट १ लाख ५३ हजार नगद समेत प्रहरीले बरामद गरेको छ । 

पछिल्लो समय राजनीतिमा निष्क्रिय रहे पनि राय यसअघि २०५२ सालमा शेरबहादुर देउवा, २०५३ सालमा लोकेन्द्रबहादुर चन्द र २०६८ सालमा डा. बाबुराम भट्टराई प्रधानमन्त्री हुँदा राज्यमन्त्री भएका थिए ।

२०७४ सालमा तत्कालीन नेकपा माओवादी केन्द्रमा प्रवेश गरेयता उनी राजनीतिमा सक्रिय छैनन् ।