आलियालाई लिएर फिल्म बनाउँदै शाहरुख खान

मुम्बई :  आलिया भट्ट बलिउडमा यस्तो नाम बनेकी छिन् जोसँग बलिउडका जोकोही हिरो काम गर्न चाहान्छन् । यो लिस्टमा शाहरुख खानको पनि नाम देख्नु भयो भने अचम्म नमान्दा हुन्छ । दुवैले एक साथ ‘डियर जिन्दगी’मा काम गरेका थिए र जुन फिल्म व्यापारिक र समीक्षक दुवै हिसाबले सफल मानिएको थियो ।

फिल्ममा दुवैको केमेस्ट्री रुचाइएको पनि थियो । फेरि एक पटक शाहरुख र आलिया काम गर्ने भएका छन् । तर, यो पटक शाहरुख पर्दा अगाडि देखिने छैनन् । आलिया भट्टले अभिनय गर्ने तय भएको ‘डार्लिङस्’ लाई शाहरुखको कम्पनी रेड चिल्लिजले निर्माण गर्नेछ । 

जसमित के रिनले निर्देशन गर्ने फिल्मले आमा छोरीको सम्बन्धको कथा पेस गर्छ । फिल्ममा आलियाको भूमिका भने सेफाली शाहले निर्वाह गर्नेछिन् । सेफालीबाहेक फिल्ममा विजय बर्मा, रोसन म्याथ्यु आदि कलाकार पनि रहनेछन् । 

आलियाले ‘गंगुबाई कठैयाबडी’को सुटिङ सके लगत्तै यो फिल्मको सुटिङ थाल्नेछिन् । फिल्म यही वर्ष रिलिज गर्ने तयारी भइरहेको पनि रेड चिल्लिजलाई उद्धृत गर्दै लेखिएको समाचारमा उल्लेख गरिएको छ ।