पोखरा अन्तर्राष्ट्रिय म्याराथनमा सेनाका खेलाडीहरू विजयी

काठमाडौँ : पोखरामा भएको "१५ औं सफल पोखरा अन्तर्राष्ट्रिय म्याराथन-२०७७" मा त्रिभुवन आर्मी क्लबका एथलेटिक्स खेलाडीहरूले प्रथम, द्धितिय र तृतीय स्थान हात पारेका छन् ।
 
भूतपूर्व खेलाडी मञ्‍च, नेपालको आयोजनामा फागुन १ गते शनिबार भएको प्रतियोगितामा सहभागी त्रिभुवन आर्मी क्लबका राजन रोका प्रथम, ज्ञान प्रसाद भट्टराई द्धितिय र देवीराज बस्नेतले तृतीय स्थान प्राप्त गरेका सैनिक जनसम्पर्क तथा सूचना निर्देशनालयले जानकारी दिएको छ ।
 
१९६ जना धावकहरूको सहभागीता रहेको प्रतियोगिताका विजेता खेलाडीहरुलाई मुख्यमन्त्री पृथ्वी सुब्बा गुरुङले पुरस्कार प्रदान गरेका थिए । प्रथमलाई २ लाख, द्धितियलाई १ लाख र तृतियलाई ७५ हजार नगद पुरस्कार गरिएको निर्देशनालयले जनाएको छ ।