'धोनीसँग खेल्न आतुर छु'

काठमाडौँ : इन्डियन प्रिमियर लिग (आइपीएल) मा बिहीबार आयोजना गरिएको अक्सनमा जब ‘अक्सनर’ ह्युज एडमेडिसले चेतेश्वर पुजारा बिक्रि भएको घोषणा गरे, अक्सन हल तालीले गुञ्जयमान बन्यो । पछिल्लो पटक सन् २०१४ मा आइपीएल खेलेका पुजारालाई चेन्नाई सुपर किंग्सले प्रतियोगितामा फर्काएको हो ।

वर्षौसम्म पुजारालाई कुनै पनि टिमले खरिद नगरे पनि यस पटक भने उनले आइपीएल खेल्ने मौका पाउने अपेक्षा गरिएको थियो । टेस्ट क्रिकेटमा भारतीय राष्ट्रिय टिमका लागि महत्वपूर्ण रहँदै आएका पुजारा आइपीएलको लगातार सात अक्सनमा बिक्रि हुन सकिरहेका थिएनन् । यसपटक भने ५० लाख आधार मुल्य भएका पुजारालाई अनुबनध गर्न चेन्नाई अघि सर्‍यो । र, कुनैपनि क्लबबाट प्रतिस्पर्धा सामना गर्नुपरेन ।

चेन्‍नाईसँग जोडिने पक्का भएपछि पुजाराले आफू महेन्द्र सिंह धोनीसँग खेल्न आतुर रहेको प्रतिक्रिया दिए । आफूले भारतीय टेस्ट टिममा डेब्यू गर्दा धोनी नै कप्तान रहेको स्मरण गर्दै भने, ‘आइपीएलमा फर्कन पाउँदा खुशी छु । चेन्नाईको पहेलो जर्सीमा धोनीसँग खेल्न म उत्साहित छु । मैले भारतीय टेस्ट टिममा डेब्यु गर्दा धोनी नै कप्तान थिए । उनीसँग फेरी पनि जोडिन पाउँदा म हर्षित छु,’ पुजाराले चेन्‍नाईले रिलिज गरेको भिडियोमा भनेका छन् ।

सन् २०१० मा पहिलो पटक टेस्ट खेलेका पुजारालाई धोनीले राहुल द्रभिडलाई प्रतिस्थापन गर्न सक्ने ब्याट्सम्यानका रुपमा प्रस्तुत गरेका थिए । पुजाराका पिता अरबिन्दले छोरा चेन्नाईसँग आबद्ध भएकोमा खुशी ब्यक्त गरे । ‘लामो समय देखि उसले आइपीएलमा खेल्ने इच्छा जाहेर गरेको थियो । बल्ल उसले मौका पाएको छ । उसले अवशय पनि पाएको मौकामा खरो यत्रने प्रयास गर्नेछ,’ अरबिन्दले भने ।

भारतीय टेस्ट टिममा नम्बर तीनमा खेल्ने पुजाराले सन् २०१० देखि २०१४ सम्मको अवधिमा ३० अन्तराष्ट्रिय टि–ट्वान्टी खेल खेलेका छन् । स्पिनका लागि उपयुक्त मानिने चेन्नाइको पिचमा पुजाराले प्रभावशाली प्रदर्शन गर्ने अपेक्षा गरिएको छ ।