लेखापढीसँग मालपोत प्रमुखको उठबस, ६ लाख रुपैयाँसहित रंगेहात पक्राउ

विरगञ्ज : बाराको सिमरास्थित मालपोत कार्यालयका निमित्त प्रमुख नायब सुब्बा मनोजकुमार खनाल र लेखापढी कानुन व्यवसायी बद्रीप्रसाद बडाल घुसरकम सहित पक्राउ परेका छन् । अख्तियार दुरुपयोग अनुसन्धान आयोग काठमाडौंको टोलीले अमलेखगञ्ज स्थित जर्गा होटलबाट ६ लाख रुपैया घुस रकमसहित दुवै जनालाई पक्राउ गरेको हो ।

सेवाग्राहीले खरिद गर्न लागेको जग्गा श्रम विभागबाट रोक्का छ’ भनी मुचुल्का गरी सिफारिस पठाइ फुकुवा गर्ने प्रक्रिया मिलाई फास्ट ट्रयाकबाट पास गराइदिने भन्दै खनालले सेवाग्राहीसँग घुस रकम माग गरेको उजुरी अख्तियारमा परेको थियो ।

अख्तियारको टोलीले सेवाग्राहीसँग ६ लाख रुपैयाँ अतिरिक्त रकम लिइसकेको अवस्थामा रंगेहात पक्राउ गरेको अख्तियार दुरुपयोग अनुसन्धान आयोगका प्रवक्ता नारायण प्रसाद सिलवालले जानकारी दिए ।