जनकपुरको होटलमा युवती मृत फेला

जनकपुरधाम : जनकपुरधामस्थित एक होटेलमा एक युवती मृत फेला परेकी छन् । जनकपुरधाम उपमहानगरपालिका-७ स्थित नमस्कार होटेल एण्ड गेस्ट हाउसमा अन्दाजी २२ वर्षीया युवती झुण्डिएको अवस्थामा मृत फेला परेको प्रहरीले जनाएको छ ।

जिल्ला प्रहरी कार्यालय धनुषाका प्रवक्ता प्रहरी नायब उपरीक्षक मकेन्द्र कुमार मिश्रले  युवती गेस्ट हाउसमा गत २ दिनदेखि बस्दै आएको जानकारी प्राप्त भएको बताए । 

प्रारम्भिक अनुसन्धान अनुसार मृतक युवती झापाकी हुनसक्ने प्रहरीले बताएको छ । युवती दुई दिनअघि एक युवकसंग होटलमा बस्‍न आएको थिइन । घटनाबारे अनुसन्धान भइरहेको र शव पोष्टमार्टमका लागि प्रदेशिक अस्पतालमा पठाइसकिएको प्रवक्ता मिश्रले जानकारी दिए ।