एभर्टनसँग पनि हार्‍यो लिभरपुल

काठमाडौँ : इंग्लिस प्रिमियर लिग फुटबलमा लिभरपुल एभर्टनसँग पनि पराजित भएको छ । शनिबार राती भएको खेलमा लिभरपुल एभर्टनसँग २-० गोल अन्तरले पराजित भएको हो ।

एभर्टनलाई जिताउन रिचरलिसन र गिल्फी सिगुड्सनले गोल गरे । जितसँगै एभर्टन २४ खेलबाट ४० अंकसहित सातौ स्थानमा उक्लिएको छ । लिभरपुल भने २५ खेलबाट ४० अंकसहित छैटौ स्थानमा छ ।

पछिल्लो समय लिभरपुलले लगातार खराब प्रदर्शन गरिरहेको छ । उसका मुख्य स्ट्राइकर मोहम्मद सलाह, रोबर्टो फिरमिनो र साडियो माने जस्तो नाम चलेका खेलाडीले गोल गर्न सकेका छैनन् ।